2023 оны эхний гурван улиралд ДНБ 6.9 хувиар өссөн байна. Энэхүү өсөлтөд аль салбарын өсөлт нөлөөлсөн талаар Эдийн засаг, хөгжлийн яамнаас танилцууллаа.
Уул уурхай
+3.4 нэгж хувь-Гадаад валютын нөөц, экспортыг нэмэгдүүлэх чиглэлд хэрэгжүүлж буй цогц арга хэмжээний үр дүнд тус салбар эдийн засгийн өсөлтийн дийлэнхийг бүрдүүлж байна.
Тээвэр
+2.1 нэгж хувь. Уул уурхай, худалдааны салбарын идэвхжлийн нөлөөгөөр энэ салбар өсөж байна.
Үйлчилгээ
+ 1.3 нэгж хувь. Аялал жуулчлал, эдийн засгийн эргэлт, идэвхжилт нэмэгдсэний үр нөлөөгөөр салбар өсөж байна.
Худалдаа
+0.7 нэгж хувь. Аялал жуулчлал, эдийн засгийн эргэлт, идэвхижилт нэмэгдсэний үр нөлөөгөөр салбар өсөж байна.
Хөдөө аж ахуй
-1.6 нэгж хувь. Салбарын 91 хувийг мал аж ахуй, 9 хувийг газар тариалан бүрдүүлдэг. Өнгөрсөн оны тааруу зуншлага, зуд, байгалийн гамшгийн үр нөлөөгөөр их хэмжээний мал хорогдсон нь бодит өсөлтийг бууруулсан хэмээн дүгнэж байна.