ЭЦА-ны Кибер гэмт хэрэгтэй тэмцэх газрын цахим мөрийтэй тоглоом хууль бусаар тоглуулдаг этгээдүүдийг шалгадаг хэлтсийн эрүүгийн мөрдөгч цагдаагийн ахлах дэслэгч Г.Т бусдаас их хэмжээний авлигал авсан.
Тэрбээр цахимаар хууль бусаар мөрийтэй тоглуулдаг бүлэг этгээдүүдээс сар бүрийн тодорхой өдөр тогтмол авилгал авдаг байсан нь шалгалтаар тогтоож, Цагдаагийн ерөнхий газрын дотоод хяналт шалгалтын хэлтэст эрүүгийн хэрэг үүсгэн шалгаж байгаа аж.
ЦЕГ-аас цахимаар хууль бус мөрийтэй тоглоом зохион байгуулдаг этгээдүүдийг илрүүлэн шалгах, тэдгээрийг таслан зогсоох зорилготой арга хэмжээ явагдаж байгаа бөгөөд өнгөрсөн долоо хоногт 10 гаруй хүнийг 461 дүгээр ангид цагдан хорьжээ.
Тухайн албан хаагчийн асуудлыг Цагдаагийн байгууллага өөрсдөө илрүүлсэн бөгөөд ажлын хэсэг гарган ажиллаж байгаа гэлээ.