Израил, ХАМАС-ын дайн эхэлснээс хойш Египеттэй залгаа хилийн Рафах боомтыг лхагва гарагт анх удаа нээж, Газын зурвасаас 400 гаруй хүнийг гаргажээ.
Одоогийн байдлаар 335 гадаадын иргэн, 76 шархадсан хүнийг (Газын зурвасын иргэд) хилээр гаргалаа гэж Палестины албаныхан мэдэгдсэн байна. Албаныхны мэдээлснээр, тус бүс нутгийг орхин гарсан хүмүүсийн дунд Их Британи, АНУ-ын паспорттой иргэд байгаа аж.
Энэхүү боомтыг нээсэн нь “эрчимтэй бөгөөд шуурхай дипломат ажиллагааны” үр дүн юм гэж АНУ-ын Ерөнхийлөгч Жо Байден мэдэгдсэн байна. Газын зурваст утас, интернэтийн үйлчилгээ бүрэн тасраад байна гэж ВВС-ийн эх сурвалж мэдээллээ.