Томуу, томуу төст өвчинд өртөмхий хүн амд 5 хүртэлх насныхан, жирэмсэн эмэгтэйчүүд, 65 болон түүнээс дээш насны хүмүүс, архаг хууч өвчтэй хүмүүс багтана.
Улирлын томуугийн эсрэг вакцинд эрсдэлт бүлгийн хүн амыг нэн тэргүүнд хамруулснаар томуугийн халдвар авахаас сэргийлэх, томуугийн шалтгаант хүндрэлийг бууруулах өндөр ач холбогдолтой гэж үзэж байна.
Улирлын томуугийн эсрэг вакцин нь томуугаас хамгаалах хамгийн найдвартай арга гэдгийг эмч, мэргэжилтнүүд хэлдэг.
Томуугийн вирус нь хувьсамтгай учраас жил бүр томуугийн вакцинд хамрагдах шаардлагатай юм.
Томуугаас урьдчилан сэргийлэхийн тулд сайн унтаж амрах, дулаан хувцаслах, амны хаалт хэрэглэх, шингэн хангалттай уух, гараа сайтар савандаж угаах, томуугийн вакцинд хамрагдах, өрөө, тасалгааг тогтмол агааржуулах, өвдсөн тохиолдолд эмчид яаралтай хандахыг зөвлөж байна.