Солонгот, Загастай, Ганцын даваанд нойтон цасны улмаас халтиргаа гулгаа үүсэж болзошгүй нөхцөл байдал үүссэн байна.
Тухайлбал, А1102 дугаартай Мөрөн-Улиастай чиглэлийн Загастайн даваа, А0603 дугаартай Цэцэрлэг-Тосонцэнгэл-Нөмрөг чиглэлийн Солонготын даваа, А1103 дугаартай Улиастай-Алтай чиглэлийн Ганцын даваанд нойтон цас орсны улмаас халтиргаа гулгаа үүсэж болзошгүй байгаа аж.
Иймээс авто замын хөдөлгөөнд оролцогч жолооч, тээвэрлэгчид анхаарал болгоомжтой зорчино уу. Солонготын даваа руу таван хүний бүрэлдэхүүнтэй шуурхай ажлын хэсэг гарсан хэмээн Завхан аймгийн Засаг Даргын Тамгын Газраас мэдээллээ.