Ой тогтоолтын дэлхийн аварга, ОУ-ын Их мастер Н.Мөнхшүр, Н.Энхшүр нар БНХАУ-ын “Super Brain” шоу нэвтрүүлэгт өчигдөр оролцож ялагч болжээ.
Уг нэвтрүүлгийн даалгавар нь олон оронтой тоог богино хугацаанд цээжээр бодох, гаригийг тодорхойлох, алганы хээг таних зэрэг байв. Шоу нэвтрүүлэгт Монгол, Хятад, Япон улсын тамирчид өрсөлдсөн хэмээн Монголын оюун ухааны академиас мэдээллээ.
2016 онд “Super Brain” телевизийн шоу нэвтрүүлэгт Ой тогтоолтын спортын өсвөрийн дэлхийн аварга, ОУ-ын Их Мастер Э.Энхмөнх оролцож ялалт байгуулж байжээ.
“Super Brain” шоу нэвтрүүлэг нь тархины хязгааргүй чадварыг харуулах зорилготой аж.