Ой тогтоолтын олон улсын их мастер, дэлхийн дээд амжилт эзэмшигч, ой тогтоолтын дэлхийн аварга Н.Мөнхшүр, Н.Энхшүр нар “The Brain” шоунд оролцохоор өчигдөр БНХАУ-ын Нанжин хотыг зорилоо.
Тэд өнөөдөр сүүлийн бэлтгэлээ хийгээд маргааш буюу гуравдугаар сарын 1-ний өдөр халз өрсөлдөөн хийнэ. Энэ удаагийн дугаар нь ковидын хөл хорионы дараа болж байгаа анхны нэвтрүүлэг бөгөөд “Хятад”-ын баг “Олон улс”-ын багтай өрсөлдөж буйгаараа онцлог юм.
Хоёр баг тус бүр таван гишүүнтэй ба манай багт Австрали болон Японы тамирчид багтаж байна. Тамирчид хувь тус бүрдээ өрсөлдөхөөс гадна багийн дүнг мөн гаргах юм. БНХАУ-ын багийн эсрэг “ОЛОН УЛС”-ын нэгдсэн баг өрсөлдөнө.