Ази тивийн аварга шалгаруулах сагсан бөмбөгийн тэмцээний урьдчилсан шатны тэмцээн Улаанбаатар хотод үргэлжилж байна. Уг тэмцээнд Монголын шигшээ эхний тоглолтоо хийж, хожлоо авлаа.
Монгол Улсын багтай өрсөлдсөн баг нь ДАШТ-д оролцож, тивийн аваргад 24 удаа тоглосон Малайзын хүчтэй баг байв.
Монгол, Малайзын тоглолт үзэгчдийг догдлуулсан, өрсөлдөөнтэй болсон. Энэхүү тоглолтод Монголын шигшээ төгсгөлийг гайхалтай хийснээр 94:92-оор ялалт байгууллаа. Шигшээ багийн лидер Т.Санчир 36 оноогоор бүх тоглогчийг тэргүүлж, багийнхаа эхний ялалтад чухал үүрэг гүйцэтгэв. Түүнчлэн Б.Билгүүн, О.Энхбаатар 12, А.Ананд 10 оноо нэмэрлэсэн юм. Маш чухал хожил байгуулсан Монголын шигшээ баг дараагийн тоглолтоо өнөөдөр 18:30 цагт Таитигийн эсрэг хийнэ. Монгол, Малайзын багийн тоглолтын сүүлд 17 секунд дутуу байхад 92-91-ээр Малайзын баг илүү байхад О. Сэргэлэн бөмбөг тасалж энэ тоглолтын гол ялалтын түлхүүр болсон юм.