Нийслэлийн Засаг дарга бөгөөд Улаанбаатар хотын Захирагч Д.Сумъяабазар Стандартын хуулийн төсөл боловсруулан намрын чуулганд өргөн барихаар бэлтгэж буйгаа мэдэгдлээ. Энэ хуулиар барилга байгууламжийн нийт талбайн 40-50 хувьд орон сууц барих стандартыг тогтоох юм. Үлдсэн хувьд нь сургууль, цэцэрлэг, үйлчилгээ, ногоон байгууламж зэрэг оршин суугчдын нийгмийн асуудлыг шийдвэрлэх аж. Өмнө нь барилгын стандарт, норм байдаг ч төдийлөн хэрэгждэггүй байсан учраас цаашид хуулиар илүү тодорхой зохицуулах аж.