6-р сард Евро бүсийн инфляц 8.9% хүрч рекорд тогтоогоод байна. Үнийн өсөлтөд түлш шатахууны үнэ өмнөх оны мөн үеэс 40 орчим хувиар, хүнс, тамхи, согтууруулах ундааны үнэ 10 орчим хувиар өссөн нь голлон нөлөөлжээ.
Үнийн өсөлт эрчимжсэн нь 7-р сард бодлогын хүүгээ 0.5 нэгж хувиар өсгөсөн Европын төв банк 9-р сард болох уулзалтаараа дахин 0.5 нэгж хувиар хүүгээ өсгөх магадлалыг нэмэгдүүлэв. Европын төв банкнаас инфляцыг 2%-д тогтворжуулахыг зорьдог бөгөөд энэ оны турш инфляц зорилтоос нь нэлээд өндөр байх төлөвтэй.
Евро бүсийн 19 орноос Эстони, Латви, Литвад инфляц 20 гаруй хувийг давсан нь хамгийн өндөр үзүүлэлт болжээ. Герман, Франц, Испанид инфляц 6-10 хувьд хэлбэлзэж байна.
ОУВС-аас өнгөрсөн 7 хоногт нийтэлсэн “Дэлхийн эдийн засгийн төлөв” тайландаа олон улсад өндөр инфляц илүү урт хугацаанд үргэлжлэх төсөөлөл гаргаснаа танилцуулжээ.
