ОХУ-ын Гадаад хэргийн сайд С.В.Лавровын айлчлалыг эсэргүүцэж Нийслэлийн АН жагслаа.
Э.Бат-Үүл “Лавровын шахалтыг түүнийг гэрт нь хариул. Монголыг дахин Оросын суганы үс болгохгүй. Бусдын суганы үс байвал хэлмэгдэнэ шүү гэж бидэнд эртнээс сануулсан.
13-р зууны эрэлхэг Монголчууд өнөөдрийн залуусыг харсан бол яасан их ой гутах байсан бол оо. Д.Сосорбарам бид нар энэ тэмцлээсээ буцахгүй ээ. Монголыг яагаад ч Оросын суганы үс болгохгүй. Лавров тийм зүйл бодож байвал үнэхээр санааны гарз гэж хэлмээр байна” гэв
Г.ГАНХҮҮ “Миний хувьд хоёрдугаар сарын 24-нд дайн эхэлснээс хойш дайныг монгол иргэний хувьд эсэргүүцсэн. Өнөөдөр ирсэн шалтгаан бол энэ. Нэгдсэнүндэсний байгууллагад бүртгэлтэй 190 гаруй орноос 144 нь энэ дайныг эсэргүүцсэн 53 нь түдгэлзсэн дөрвөн улс энэ дайныг дэмжсэн байдаг. Монголчууд бид нар дайныг эсэргүүцсэн 140 орны нэг нь байж хамтын нийгэмлэгийн гишүүн байх ёстой. Биднийг Оросын эсрэг хүмүүс гэж ойлгоод байдаг ерөөсөө тийм биш. Дайныг дэмжих дэмжихгүй нь хувь хүний асуудал. Энэд цугласан иргэд ч гэсэн өөрсдийн үзэл бодлоороо нэгдсэн юм. Аль нэг үзэл санааг нь зөв буруу гэж шүүх эрх байхгүй.
Төрийн соёрхолт Д.СОСОРБАРАМ “Манай яруу найрагч М.Цэдэндорж хэлсэн нэг үг байдаг. Үхсэн мөртлөө амьд хүн, амьд мөртлөө үхсэн хүн байх юм. Тэгээд би энэ үгний утга залгаж суу билэгт А.Амар сайдын үгийг хэлье гэж бодлоо. Би Оросын ард түмэнд элэгтэй Монголын ард түмэнд хайртай. Коминустуудыг яснаасаа үзэн яддаг хүн. Хэрвээ би буруутай бол Бүгд найрамдах Монгол ард улсын иргэн учраас шүүхээр шийдэх ёстой гэсэн гэж ярьдаг даа. Түүний үндэстнээ гэсэн үзэл санаа амьд байгаа. Нөгөө талаар 1937 оны 11 сарын 26 –нд буудуулсан П.Гэндэн гэж хүн хэлсэн байдаг. Сэлмэн хамартай сахал Иосиф Сталины эсрэг би Монгол эх орныхоо төлөө байнга тэмцэнэ гэсэн гэдэг.