Увс аймгийн Сагил сумын гуравдугаар баг, “Улаан даваа” гэдэг газар дөрөвдүгээр сарын 27-ны өдрийн 12:38 цагт 4 магнитудын хүчтэй газар хөдлөлт болжээ. Газар хөдлөлтийн мэдээллийг ШУА-ын ООГХ-ээс 12:47 цагт ОБЕГ-т цахим шуудангаар ирүүлсэн байна. Ингээд аймгийн Онцгой байдлын газраар дамжуулан сумын Засаг даргын Тамгын газрын дарга болон тухайн газар нутагладаг малчдаас тодруулахад чичирхийлэл мэдрэгдээгүй бөгөөд учирсан хохиролгүй тухай мэдээлсэн аж.