Холливудын жүжигчин Блэйк Лайвли, Райан Рейнольдс нар Украины дайнаас зугтсан дүрвэгсдэд нэг сая ам.доллартой тэнцэх хандив өгөхөө олон нийтийн сүлжээнд мэдэгдэв.
“48 цагийн дотор үй олон украинчууд орон гэрээ орхин хөрш орнууд руу дүрвэхээс өөр аргагүйд хүрсэн. Тэдэнд хамгаалалт хэрэгтэй байна. Манай гэр бүлийн зүгээс 1 сая ам.доллартой тэнцэх хэмжээний хандив өргөхөө мэдэгдэж байна” гэж Рейнольдс Бямба гарагт өөрийн твиттер хуудсандаа НҮБ-ын дүрвэгсдийн агентлагт хандан бичжээ.
Мөн түүний эхнэр, жүжигчин Блэйк Лайвли НҮБ-ын Дүрвэгсдийн комиссын дарсан хүүхдийн зургийг өөрийн инстаграмдаа нийтэлж, мөн хандивын мэдэгдлээ бичжээ.