Холбооны Нөөцийн банк гуравдугаар сараас бодлогын хүүгээ өсгөх дохио өгсний дараа унаад байсан алтны үнэ эргэн сэргэж байна.
АНУ-ын Төв банкны мэдэгдлийн дараа өнгөрсөн долоо хоногт алтны спот үнэ 2.4 хувиар унаад байсан юм. Энэ нь өнгөрсөн оны наймдугаар сараас хойших нэг долоо хоногт унасан хамгийн өндөр дүн болжээ.
Харин шинэ долоо хоногийн эхний арилжааны өдөр алтны үнэ 0.3 хувиар өсөж, унц нь 1797 ам.долларт тогтворжлоо. Түүнлчэн үнэт металлууд дундаас паллад болон мөнгөний үнэ өссөн дүр зурагтай байна.
Хэдий тийм боловч үнийн энэ сэргэлт удаан үргэлжлэхгүй гэж “Oanda” байгууллагын шинжээчид үзэж байна. Холбооны Нөөцийн банк бодлогын хүүгээ өсгөх цаг ойртож буй энэ үед алтны үнэ буурах төлөвтэй гэж үзэж байгаа аж.