АНУ-ын Луизиана мужийн оршин суугч, 105 настай Жулия Хокинс хөнгөн атлетикийн төрөлд дэлхийн дээд амжилт тогтоолоо.
Тэрээр Ахмадын олимпийн 100 метрийн зайд 01:02:95 минут (1 минут 2 секунд) гүйж барианд оржээ. Үзэгчид түүнд “Хар салхи” гэдэг хоч өгсөн байна. Олимп арваннэгдүгээр сарын 6-нд Луизиана мужид болсон юм.
Жулия Хокинс өмнө нь 2019 онд 100+ насны ангиллын 50 метрийн зайд 46,07 секундын амжилтаар мөн дэлхийн хамгийн хурдан гүйгч болж байжээ.
Сонирхуулахад тэрээр 101 насандаа хөнгөн атлетикийн төрлөөр хичээллэж эхэлжээ.