Өнгөрсөн долоо хоногийн байдлаар /2021.08.31-09.04/ Гашуунсухайт боомтоор 860 орчим автомашин хилээр нэвтэрч, 108 мянган тонн нүүрс гаргалаа гэж УУХҮЯ-наас мэдээлэв.
Манай улс энэ онд 28 сая тонн нүүрс экспортолж, 1.3 их наяд төгрөгийн орлогыг төсөвт төвлөрүүлэхээр тооцсон. Энэ төлөвлөгөөг эхний найман сарын үзүүлэлтээс харахад 40 орчим хувьтай гарсан ч, 472 тэрбум төгрөгийн орлогыг төсөвт төвлөрүүлсэн нь 55 хувийн хувийн биелэлттэй байна.
Экспортын биет хэмжээ буурсан ч, дэлхийн зах зээлд нүүрсний үнэ өндөр байгаа нь манай улсын эдийн засагт эергээр нөлөөлөв. Нүүрсний экспортын биет хэмжээ буурсан нь цар тахлын нөлөө, түүнээс урьдчилан сэргийлэх хүрээнд БНХАУ-ын талаас хилийн боомтуудад хязгаарлалт тавьсантай холбоотой. Наймдугаар сарын сүүлээр манай улсын хилийн бүсэд халдвар илэрсэн тул Хятадын талаас Гашуунсухайт-Ганцмод боомтоор нүүрс тээврийн автомашин нэвтрүүлэхийг 14 хоног хязгаарлах санал тавьж, нүүрсний экспорт тасалдсан юм.
Хоёр тал тохиролцсоны үндсэн дээр PCR шинжилгээний хариу нь сөрөг гарсан жолооч нарыг тээврийн хөдөлгөөнд оролцуулж эхэлжээ.