Токио хотод болох Паралимпийн наадмыг зохион байгуулагчид олимпийг үзэгчидгүйгээр зохион байгуулахаа мэдэгдлээ.
Олон Улсын Паралимпийн Хороо, Японы Засгийн газар, Токиогийн эрх баригчдын төлөөлөгчдийн уулзалтаар ийм шийдвэр гаргасан байна.
Харин, Япон оюутнуудад онцгой нөхцөл гаргаж өгч магадгүй байна. Эрх баригчид оюутнуудын эцэг эхтэй нь зөвлөлдөж, хүүхдүүдийг тэмцээнд оролцуулах зөвшөөрөл авах аж.
“ТОКИО-2020” Паралимпийн наадам зургаа хоногийн дараа буюу 2021 оны наймдугаар сарын 24-ний мягмар гаригт эхэлж, есдүгээр сарын 5-нд дуусна.
Паралимпийг зохион байгуулах эсэх нь олимпийн дараагаар тус улсад коронавирусийн халдварын тархалт ноцтой асуудал болоод байгаа тул зарим япончуудын дургүйцлийг хүргэж, шүүмжлэл дагуулах болсон. Цар тахлын улмаас Японы Засгийн газар онц байдлын хугацааг сунгах асуудлыг хэлэлцэж байгаа аж.