Үндэсний бичиг үсгийн баярын хүрээнд, мөн хаврыг угтсан “Хавраас ирсэн дуудлага” яруу найргийн цахим уншлага маргааш болно.
“Үндэсний бичиг үсгийн баяр-2021” арга хэмжээний хүрээнд Монгол үндэсний яруу найргийн үе үеийн шидээвэр бүтээл, эх хэлээр хөрвүүлсэн дэлхийн сонгодог бүтээлүүд, орчин цагийн шүлэг зохиолыг олон нийтэд хүргэх, үндэсний утга зохиол, эх хэл, соёлоороо бахархах үзлийг дэлгэрүүлэх зорилгоор яруу найргийн чөлөөт уншлага цахим хэлбэрээр зохион байгуулж байна.
Уншлагад зохиолч, яруу найрагчдаас гадна үгийн урлаг, утга зохиолд хайртай хэн бүхэн оролцож өөрийн болон дуртай шүлгээ унших боломжтой аж.
Хөтөлбөр:
14:00-14:10 Нээлт
14:10-14:30 Монголын болон дэлхийн яруу найргаас нэвтрүүлэгч, зохиолчид унших
14:30-16:00 Зохиолч, яруу найрагч, cонирхогчдын яруу найргийн чөлөөт уншлага
Арга хэмжээг Зүүм програмаар явуулж, Үндэсний номын сангийн FB/National.Library.of.Mongolia хуудсаар шууд дамжуулна.