Гашуун сухайтад зөөврийн PCR /ПГУ/ молекул биологийн лабораторитой боллоо.
Өмнөговь аймгийн Ханбогд сумын “Хайрхан” багийн төв дээр зөөврийн PCR молекул биологийн лабораторийг ашиглалтад орууллаа.
Тус лаборатори ашиглалтад орсноор цар тахлын эрсдэлээс урьдчилан сэргийлэх, тандах, эрт илрүүлэгт нутгийн иргэд, Гашуун сухайт боомтод ажиллаж буй тээврийн жолооч нарыг шуурхай оношлох боломж бүрдэх юм. Молекул биологийн оношлуурын /PCR/ “Зөөврийн лаборатори” –ийг оруулж ирэхэд санаачлагатай хамтран ажилласан “Эрдэнэс тавантолгой” ХК-д болон алслагдсан бүс нутагт хөрөнгө оруулалт хийж, импортоор нийлүүлж, хамтран ажилласан “И-Коммодитс Монголиа Интеллижент Ложистикс” ХХК-д Өмнөговь аймгийн Засаг дарга Р.Сэддорж талархсанаа илэрхийллээ гэж Өмнөговь аймгийн Олон нийттэй харилцах албанаас мэдээллээ.