АНУ болон Өмнөд Солонгосын сүлжээ кино театрууд видео тоглоомчдод өөрсдийн кино танхимын өргөн дэлгэцүүдээ түрээсээр ашиглуулах болжээ. Хэдийгээр кино театруудад танхим дүүргэлтийг 50 хувьтай байлгах зөвшөөрлийг олгоод байгаа ч, Өмнөд Солонгосын кино театрууд видео тоглоом тоглох зориулалтаар дэлгэцээ түрээслүүлэх орлогын шинэ урсгалыг бий болгосон байна. Дөрөв хүртэлх хүн танхимын өргөн дэлгэцийг хоёр цагийн турш 90 доллараар түрээслэх бөгөөд 18:00 цагаас хойш энэ төлбөр 135 доллар болж нэмэгдэх гэнэ. Танхимын өргөн дэлгэцийг түрээслэх сонирхолтой видео тоглоомчид өөрсдөө тоглоом, консол болон удирдлагаа авчрах ёстой аж. BBC-ийн мэдээлж буйгаар видео тоглоомчид өргөн дэлгэцээр дуртай тоглоомоо тоглох боломжийг олгож байгаад сэтгэл хангалуун байгаа гэнэ.
Энэ жилийн эхээр уг шинэ үйлчилгээ нэвтэрснээс хойш кино театрын танхимууд одоогоор 130-аас олон удаа захиалга авчээ. Үйлчлүүлэгчдийн дийлэнх нь 30 эсвэл 40 орчим насныхан байгаа бол, мөн хосууд болон гэр бүлээрээ танхимын өргөн дэлгэцийг түрээслэх тохиолдол мөн байгаа аж.Өмнөд Солонгосын CGV кино театр дан ганц уг үйлчилгээг нэвтрүүлээгүй бөгөөд АНУ-ын Malco кино театр өнгөрсөн оны 11-р сараас үйл ажиллагаандаа нэвтрүүлж эхэлжээ. Мемфис хотод байрлалтай Malco кино театр нэг өргөн дэлгэцийг хамгийн дээд тал нь 20 хүнд түрээслэж байгаа юм байна. Энэ кино театр Арканзас, Кентаки, Луйзиана, Миссиссиппи болон Теннессид салбаруудтай. Үнийн хувьд 2 цаг түрээслэхэд 100 доллар бол, 3 цаг нь 150 долларын үнэтэй.