Засгийн газрын Хэвлэл мэдээлэл, олон нийттэй харилцах хэлтсийн дарга Ц.Ганзориг болон ХӨСҮТ-ийн ТСА-ны дарга А.Амбасэлмаа цаг үеийн асуудлаар мэдээлэл өгч байна.
Өнгөрсөн 24 цагийн хугацаанд 58 тохиолдол илэрчээ. Улаанбаатар хотод нийт 1513 тохиолдол, кластераар 1839 тохиолдол, улсын хэмжээнд нийт халдварын 2351 тохиолдол байгаа бол 1682 нь буюу 71,5 хувь нь эдгээд байна. Одоогийн байдлаар 621 хүн эмчлэгдэж байна. Сүүлийн 24 цагт 29 хүн эмчлэгдэн эдгэрч, гэртээ гарсан гэдгийг ХӨСҮТ-ийн ТСА-ны дарга А.Амбасэлмаа мэдээллээ.