АНУ-ын ерөнхийлөгчөөр сонгогдоод буй Жо Байдены тангараг өргөх ёслол нөгөөдөр болно. Энэ үеэр Вашингтон хотноо нэгдүгээр сарын 6-нд болсон үймээн давтагдахаас сэргийлж Үндэсний гвардийн цэргүүдийг аюулгүй байдлыг хангах үүднээс Вашингтон хот руу илгээжээ. Холбооны мөрдөх товчоо ерөнхийлөгч Д.Трампыг дэмжигчид 50 муж улсад болон нийслэлд зэвсэгт жагсаал хийж болзошгүйг сэрэмжлүүлжээ.
*******************
ХБНГУ-ын эрх баригч, барууны төвт үзэлт Христосын Ардчилсан холбоо нам өнгөрсөн бямба гаригт цахим хурлаа хийсэн байна. Хоёр дахь шатны санал хураалтаар даргаа сонгожээ. Уг албанд гурван нэр дэвшигч өрсөлдөн, 59 настай Армин Лашет ялалт байгуулав. Тэрбээр 2017 оноос Хойд Рейн-Вестфал мужийн засаг захиргааг тэргүүлж байсан агаад ХБНГУ-ын канцлер А.Меркелийн чиг шугамыг үргэлжлүүлэхийг тууштай дэмждэг нэгэн аж.
Д.ЦЭРЭНДОЛГОР