Монголын бяцхан уран нугараачид Олон улсын өсвөрийн циркчдийн тэмцээнээс мөнгөн цом хүртжээ.
ОХУ-д онлайнаар зохион байгуулагдсан уг тэмцээнд 19 орны 200 гаруй өсвөр насны циркийн жүжигчин 60 шилдэг үзүүлбэрээр өрсөлдсөн байна.
Монгол Улсаа төлөөлөн оролцсон “Икс Роузис” уран нугаралтын төвийн 8-11 насны уран нугараачид анх удаа олон улсын тэмцээнд оролцож, “Тэнгэрийн цэцэгс” уран нугаралтын үзүүлбэрээ дээрх амжилтыг гарасан байна. Монголын мэргэжлийн циркчдийн нэгдсэн холбооны дэд ерөнхиийлөгч Т.Будаас “ОХУ-ын Соёлын яамнаас Олон улсын өсвөрийн циркчдийн тэмцээнийг энэ жил өнгөрсөн арваннэгдүгээр сарын 27-30-ны хооронд онлайнаар зохион байгуулсан. Тэмцээнийг олон улсын 26 мэргэжлийн шүүгч шүүж ажилласан. Энэ жилийн тэмцээний алтан цомыг Хятадын уран нугараачид хүртсэн” гэв.