Хэнтийн аймагт олон нийтийг хамарсан үйл ажиллагаа, архи, согтууруулах ундааг аймгийн хэмжээнд тодорхойгүй хугацаагаар хориглолоо.
Аймгийн Шуурхай штаб өчигдөр хуралдаж, аймгийн Засаг даргын А/567 дугаартай захирамж гаргасан байна.
Уг захирамжаар Хэнтий аймгийн хэмжээнд
- архи, согтууруулах ундааг худалдан борлуулах, түүгээр үйлчлэх үйлчилгээ,
- олон нийтийг хамарсан хурал зөвлөгөөн,
- жагсаал цуглаан,
- соёл урлаг, спортын арга хэмжээ, үзвэр үйлчилгээ зохион байгуулах,
- сургалтын төв, фитнес, бялдаржуулах төв, баар, караоке, цэнгээний газар, компьютер болон биллиард тоглоомын газар,
- сүм хийд, шашны байгууллагын үйл ажиллагааг тодорхойгүй хугацаагаар хориглолоо.
Өөрөөр хэлбэл өмнөх А/545 дугаар захирамжаар дээр дурдсан үйлчилгээг өнөөдрийн /2020.12.11/ 06:00 цаг хүртэл хориглосон байсныг тодорхойгүй хугацааг хориглож, өөрчилсөн гэдгийг Хэнтий аймгийн ЗДТГ-аас мэдээллээ.