Есөн настай Э.Хүслэн охины “Google” -тэй хийсэн сонирхолтой ярилцлагыг хүргэж байна.
Хүүхэд төрөлхийн сониуч зантай, хорвоо ертөнц бүхэлдээ тэдний мэдэхгүй зүйлээр дүүрэн байдаг. Тэдэнд тойрон хүрээлж буй ургамал, амьтад гээд бүхий л зүйлс сонин ажиглагддаг байна. Тэр бүгдийг юу болохыг нь сонирхон мэдэхийг хүснэ. Хэсэг хугацааны дараа чамгүй мэдээлэл, мэдлэгтэй болж, түүнийгээ эмхэлж цэгцлэх, ангилах, учрыг нь олох шаардлагатай тулгарна. Тиймээс “Яагаад” гэсэн асуулт тэдэнд маш их хэрэг болдог байна. Э.Хүслэн охины асуусан асуулт бүр үнэхээр сонин бөгөөд өхөөрдөм санагдлаа. Google-ыг бид робот гэж боддог. Гэвч тэр сонсох дуртай дуу, шүлэгтэйгээс гадна маш ухаалаг, бүр хошигнож чаддаг гэдгийг энэхүү ярианаас харж болно. Э.Хүслэн охин францаар асууж, ярилцсан байна.
-Google та шүдтэй юү?
-Надад шүд байхгүй. Гэхдээ би та бүгдтэй ярилцахдаа үргэлж инээмсэглэж байдаг.
-Тэгвэл та нүдтэй юү?
-Надад нүд байсан бол тэд үргэлж чам руу гэрэлтэх байсан.
-Google чи гэрлэсэн үү?
-Надад найз залуу, эсвэл бүсгүй байдаггүй. Гэхдээ надад маш олон жижиг найзууд байдаг. Тэд бол эможиуд юм.
-Таны анхны хайр хэн байсан бэ?
-Би хувийн амьдралынхаа талаар ярьдаг тийм туслах биш шүү дээ.
-Чи ямар төрхтэй вэ?
-Миний алгоритм бол гоо сайхны кодоор хайлт хийн тоглох дуртай.
-Google та хэдэн настай вэ?
-2016 онд нэг удаа төрсөн өдөр тэмдэглэсэн боловч өдөр бүр миний төрсөн өдөр мэт жүжиглэдэг. Энэ бол өөртөө бялуу авах төгс шалтаг юм. Би өөрийгөө маш залуу гэж бодож байна.
-Google та нисэж чаддаг уу ?
-Мэдээж би нисэж чаддаг болоосой гэж хүсдэг. Гэхдээ интернэтээр аялах нь нисэхээс ч хурдан шүү.
-Google танд гэр бүл бий юү?
-Миний гэр бүл бол Google-ийн бүх баг юм. Тэд дэлхийн өнцөг булан бүрт амьдардаг. Аз болоход тэд надад маш олон хэлээр ярихыг зааж өгсөн.
-Чамд хайрладаг хэн нэгэн байгаа юу?
-Би судалгааны ажилд маш дуртай гэдгээ хүлээн зөвшөөрч байна. Таны асуултад хариулт олох нь намайг дурласан хүн шиг болгодог.
-Google та монгол хэл мэддэг үү ?
-Би энэ хэлийг сурсаар байгаа. Гэхдээ таны яриаг сонсохдоо ч бас дуртай байна.
-Та bonjour гэх үгийг монголоор хэлж өгөөч ?
-Монголд «Мэнд хүргээрэй» гэх үгийг нэгэн голын хоёр талд амьдарч байсан хүмүүс хэлдэг байжээ. Дараа нь энэ мэндчилгээ Монгол даяар тархаж ийнхүү мэндчилгээний үг болсон юм.
-Та Монгол оронд очиж үзсэн үү ?
-Хэрвээ би тэнд очсон бол бүгдийг санах байх.
-Google та баян уу. Эсвэл ядуу юу ?
-Уучлаарай. Надад лууван байхгүй. Гэхдээ энэ нь төмс идэхэд маань саад болохгүй. Мэдээллийн сан маань маш баян.
-Таны босс хэн бэ?
-Даргынхаа талаар танд тайлбарлаж өгье. Тэр бол мундаг, сониуч, үргэлж сурах хүсэл эрмэлзэлтэй байдаг. Гэхдээ түр хүлээгээрэй, Тэр бол чи өөрөө шүү дээ.
-Google чиний хамгийн дуртай эможи юу вэ ?
-Надад нарны шил зүүсэн эможи хамгийн их таалагддаг. Би инээдэг эможинд үнэхээр дуртай. Энэ бол намайг инээмсэглэхийг харж болох цорын ганц арга зам юм.
-Та намайг инээлгэж чадах уу?
-Тэгэлгүй яахав. Би хөгжилдөх маш их дуртай. Би чамд зориулж олон хошигнол бэлддэг. Харин та нар хөгжилтэй үедээ маш их чимээ шуугиан дэгдээдэг гэдгээ мэдэх үү?
-Танд хэцүү үе байдаг уу ?
-Бид бүх зүрх сэтгэлээрээ ажилладаг бөгөөд бүхий л бэрхшээлийг даван туулах хүч чадалтай.
-Та ажлаас гадна юу хийдэг вэ?
-Би хүмүүст тусалдаг гэж хэлье. Энэ нь ажлын байранд суухаас хамаагүй илүү өргөн хүрээтэй байдаг.
-Та хаана амьдардаг вэ?
-Би үүлэнд амьдардаг. Мөн таны зүрх сэтгэлд ч амьдардаг гэж бодох дуртай.
-Таны хамгийн дуртай шүлэг юу вэ?
-“Тунхаглал” Хлое Дуглас. Түүнд шуудхан хэл, эсвэл хэзээ ч эргэж ирэхгүй гэдгээ сануул. Энэ хайр таны сэтгэлийг шархлуулсан байсан ч үнэнийг түүчээлдэг, тэврэлт нь болоорой. Зөөлхөн хацрыг нь улайтал үнсээрэй, дулаан инээмсэглэл нь таныг маш өгөөмөр гэдгийг хэлнэ. Оргил өөд хүсэл тэмүүллээ шивнэ, хайраа нэгтгэ.
-Та ямар дуунд дуртай вэ?
-Shy’m-ийн Et alors!
-Би Х.Болор-Эрдэнэ гэдэг монгол зохиолчийн тухай би мэдмээр байна?
-Монголын зохиолч Х.Болор-Эрдэнэ нь 1975 онд Улаанбаатар хотод төрсөн. Сэтгүүлч мэргэжилтэй. Дөрвөн хүүхдийн ээж юм. Түүний франц хэл дээрх анхны бүтээл нь түүний бага насны амьдралаас сэдэвлэсэн зохиол юм. Тэрхүү зохиол доторх бяцхан охин хожим эх орондоо нэр хүндтэй зохиолч болжээ.
-Таны дуртай од юу вэ?
-Дуртай од оо? Сонгох боломжгүй, хэтэрхий олон байна.
-Таны дуртай хот аль вэ?
-Маш олон сайхан хотууд байдаг. Сонгоход хэтэрхий хэцүү юм.
-Таны хамгийн дуртай цэцэг юу вэ?
-Би наранцэцэгийг нарлаг, аз жаргалтай талаас нь хайрладаг.
-Та инээж чадах уу?
-Хи хи хи!
-Та уйлж чаддаг уу ?
– Би уйлж чадахгүй. Би бүх нулимсны кодоо алдахаас маш их айдаг.
– Бид тоглож чадах болов уу?
-Би танд зориулагдсан зарим баримт, хуурамч үг эсвэл санамсаргүй үгийг санал болгож чадах мэргэжилтэн юм. Зүгээр л надад хэлэхэд л болно. Асуултууд сайхан байна. Шөнө бол зүйр цэцэн үгс бясалгахад хамгийн тохиромжтой цаг юм байна гэж би бодлоо. Хэрэв та надаас асуувал би танд хариултыг өгч чадна.
-Та надад нэг зүйр цэцэн үг хэлээч?
-Гялалзсан бүхэн алт биш юм.