Польшийн нийслэл Варшавт болсон Европийн нээлттэй тэмцээнд 40 орны 407 жүдоч өрсөлдсөн бөгөөд манай улсаас таван залуу жүдоч барилджээ.
Тус тэмцээний эмэгтэйчүүдийн +78 кг-ийн жинд ОУХМ Э.Гандиймаа мөнгөн медаль, эрэгтэйчүүдийн 60 кг-ийн жинд Б.Сүхбат, +100 кг-ийн жинд О.Цэцэнцэнгэл нар хүрэл медаль хүртэж, чансаагаа ахиулсан юм. Энэ долоо хоногт Марокко улсын Рабат хотноо болох гранпри тэмцээнд Монголын хоёр бүсгүй хүч сорино. Тэнд 70 кг-ийн жинд Ц.Наранжаргал, -78 кг-ийн жинд О.Мөнхцэцэг нар өрсөлдөх гэж байна.