Мэргэжлийн хяналтын ерөнхий газрын даргын баталсан “Нийтийг хамарсан баяр, ёслол, цаг үеийн шаардлагаар зохион байгуулж буй арга хэмжээнд урьдчилан сэргийлэх хяналт шалгалт хийх тухай” 01/13 дугаартай удирдамжийн дагуу бууз, баншны үйлдвэрлэл эрхлэгч аж ахуйн нэгж байгууллага, иргэдийн үйл ажиллагаанд урьдчилан сэргийлэх хяналт шалгалт хийлээ.
Шалгалтаар дотоод хяналт шалгалтыг мөрдөж ажилладаггүй, ул мөрийг мөрдөн тогтоох бүртгэл хөтөлж хэвшээгүй, хөргөгч, хөргүүрийн хэмийн бүртгэлийг үнэн зөв хөтөлдөггүй, цан мөс ихтэй, угаалга цэвэрлэгээ хангалтгүй, ажлын байрны хананы будаг ховхорч бүтээгдэхүүн бохирдох нөхцөл бүрдсэн, агуулахад түүхий эд болон бэлэн бүтээгдэхүүнийг төрөлжүүлж хадгалаагүй, шалан дээр хураасан, сав баглаа боодол, технологийн хэрэгцээний усыг шинжилгээнд хамруулаагүй зэрэг зөрчилд зөрчил шалган шийдвэрлэх ажиллагаа явуулж байна.
