Далайд гарцгүй хөгжиж буй орнууд (ДГХБО)-ын Олон улсын судалгааны төвийн Захирагчдын зөвлөлийн Хоёрдугаар хурлын бэлтгэл уулзалт Нью-Йорк хотноо 2019 оны 12 дугаар сарын 7-нд болов.
Уулзалтад Казахстан Улсын Худалдаа, интеграцийн дэд сайд Кайрат Торебаев болон судалгааны төвийн захирагчдын зөвлөлийн гишүүн орнуудын төлөөлөгчид оролцлоо.
Уулзалтад Монгол Улсаас НҮБ-ын дэргэд суугаа Элчин сайд, Байнгын төлөөлөгч С.Сүхболд оролцож, судалгааны төвийн Захирагчдын зөвлөлийн дарга, Гадаад харилцааны дэд сайд Б.Батцэцэгийн илгээлтийг уншиж танилцуулав.