Өмнөговь аймгийн Даланзадгад суманд “Оюу толгой” компани, “Говийн Оюу хөгжлийг дэмжих сан” хамтран санхүүжүүлсэн Мах боловсруулах үйлдвэр ашиглалтад орлоо.
Энэхүү үйлдвэр нь Өмнөговь аймгийн тогтвортой хөгжилд чухал нөлөө үзүүлэх томоохон төсөл төдийгүй үйлдвэр ашиглалтад орсноор шинээр арван ажлын байр бий болж байгаа юм.
Өдөрт 100 бог, 20 бод мал нядлах хүчин чадалтай, 200 тонн багтаамжтай бүрэн тоноглогдсон гүн хөлдөөх агуулахтай, микробиологи болон химийн лаборатори бүхий иж бүрэн мах боловсруулах тус үйлдвэр ашиглалтад орсноор эрүүл ахуйн шаардлага хангасан нөхцөлд малыг төхөөрч, олон улсын чанарын стандартад нийцсэн мах, махан бүтээгдэхүүн үйлдвэрлэх боломжтой болж байна.