Нийслэлийн Онцгой байдлын газраас нийслэлийн хэмжээнд сайжруулсан түлш ашигладаг айл, өрхүүдэд гал түймэр, угаарын хийн хордолтоос урьдчилан сэргийлэх зөвлөн туслах нэгдсэн арга хэмжээг зохион байгуулан ажиллаж байна.
Нэгдсэн арга хэмжээг НОБГ-ын газрын алба хаагчид, төрийн захиргааны байгууллага, хороодын ажилтан, сайн дурын эргүүлтэй хамтран явуулж байгаа юм.
Энэ сарын 09-ийг хүртэл үргэлжлэх тус арга хэмжээний хүрээнд айл, өрхүүдэд гал түймрээс урьдчилан сэргийлэх талаар мэргэжил, аргазүйн зөвлөгөө өгч ажиллана гэж нийслэлийн Онцгой байдлын газраас мэдээллээ.