Дээрэмдэх гэмт хэрэг үйлдсэн бүлэг этгээдийг баривчиллаа. Энэ сарын 16-17-нд шилжих шөнө Баянгол дүүргийн 7 дугаар хорооны нутаг дэвсгэрт иргэн Б.ийн самсунг А-10 маркийн гар утсыг айлган сүрдүүлж зодож дээрэмдсэн хэрэг гарчээ. Баянгол дүүргийн цагдаагийн хоёрдугаар хэлтсийн албан хаагчид шуурхай ажиллагаа явуулж, Улаанбаатар хотод тодорхой оршин суух хаяггүй С, У, Б, С нар бүлэглэн уг хэргийг үйлдсэнийг тогтоожээ. Шалгалтын ажиллагаа үргэлжилж байна.