Сүрьеэгээр өвдсөн хүмүүс эмнэлгийн зайлшгүй хяналт дор эм бэлдмэл ууж өвчнөө эмчилдэг. Тэгвэл энэ хүрээнд техник технологийн дэвшлийг ашиглан Skype аппликэшн ашиглан эмч, эмнэлгийн ажилтан алсын зайнаас өвчтөнтэйгөө шууд харилцан, эмчилгээний хяналт дор эмийг нь уулгах болон зөвлөгөө өгч ажиллаж эхэлжээ.
Сүрьеэгийн эмчилгээний амжилтыг нэмэгдүүлэх шинэлэг аргыг нэвтрүүлснээр өвчтөний хувьд цаг заваа хэмнэх, нууцлалаа хадгалах болон санхүүгийн байдалд дэмжлэг болох ихээхэн үр дүнтэй ажил юм.
Одоогоор Сүхбаатар дүүргийн эрүүл мэндийн төвд энэхүү аргыг нэвтрүүлэн ажиллаж байгаа бөгөөд цаашид бусад дүүрэгт энэхүү аргыг нэвтрүүлснээр эмчилгээний амжилт нэмэгдэх боломжтой аж.