Хэнтий аймгийн Батширээт суманд ОХУ-аас ойн түймэр орж ирсэн дуудлага Онцгой байдлын газарт энэ сарын 22-нд ирсэн бөгөөд түймэр бүрэн унтраагүй байна. Урьдчилсан байдлаар 19500 га ой шатаад байгаа аж. Түймрийг унтраахаар Онцгой байдлын 63 алба хаагч, Үндэсний аюулгүй байдлын 41 алба хаагч, Батширээт сумын 77 иргэн, Биндэр сумын 20 иргэн ажиллаж байгаа. Онцгой байдлын газрын алба хаагчид түймрийн урд талд, Үндэсний аюулгүй байдлын алба хаагчид түймрийн баруун, баруун урд талд түймрийг унтраахаар ажиллаж байна.