Төрийн албаны шүүх, хууль хяналтын байгууллагуудын алдаатай үйл ажиллагаанаас болж хохирч, хэлмэгдсэн иргэдийн төлөөлөл болсон “Шудрага ёс” хөдөлгөөний тэргүүн Д.Батдамба, гишүүн Д.Дунгармаа, “Худалдаачдын холбоо”-ны удирдах зөвлөлийн гишүүн Г.Эрдэчимэг нар “Шудрага ёс” хөдөлгөөнийг үүсгэн байгуулжээ.Уг хөдөлгөөнөөр дамжуулан хэд хэдэн шаардлагийг тавьж Монгол Улсын Ерөнхийлөгч Х.Баттулга, Монгол Улсын Их хурлын дарга Г.Занданшантар, Монгол Улсын Ерөнхий сайд У.Хүрэлсүх нартхүргүүлж байгаа байна.
Тухайлбал Хууль зүйн сайд Ц.Нямдоржийг гуравдугаар сарын наймнаас өмнө огцрох, мөн шүүх, хууль хяналтын байгууллагуудын хууль бус тушаал, шийдвэрүүдийг дахин хянах онцгой эрх бүхий АРД ТҮМНИЙ ХЯНАЛТЫН ХОРОО-г байгуулах, шүүх, хууль хяналтын байгууллагууд тэдний алба хаагчдын буруутай үйл ажиллагаанаас болж хохирч хэлмэгдсэн иргэдийн гомдлыг нэг удаа тайлж барагдуулах ажлыг зохион байгуулах зэрэг шаардлагуудыг тавьж байгаа аж.
Тэд гуравдугаар сарын 8–ны дотор шаардлагын хариуг өгөхийг шаардаж, нааштайгаар шийдэж өгөхгүй бол тэмцлийн дараагийн хэлбэр болох өлсгөлөнгийн хэлбэрт шилжих болно гэв. Мөн өнөөдрөөс эхлэн 11:00-15:00 цагуудын хооронд Хууль зүйн яамны гадаа эсэргүүцлийн цуглаан зохион байгуулах аж.