Японы мэргэжлийн сүмогийн нэгдүгээр сарын башё өчигдөр эхэллээ. Эхний өдөр их аварга Хакүхо М.Даваажаргал комүсүби Мёогирюүг, их аварга Какүрюү М.Ананд нар маэгаширагийн тэргүүн бөх Точиозаныг тус тус давжээ. Маэгаширагийн баруун жигүүрийг тэргүүлэн барилдаж буй Ичиножёо А.Ичинноров өчигдөр озэки Такаяшиг, сэкивакэ Тамаваши Б.Мөнх-Оргил маэгашира Шохозаныг тус тус өвдөг шороодуулсан байна. Түүнчлэн энэ сарын башёг тэргүүлэн барилдаж буй их аварга Кисеносато эхний өдөр өвдөг шорооджээ.
Өнөөдөр их аварга Хакүхо М.Даваажаргал маэгаширагийн тэргүүн бөх Точиозантай, их аварга Какүрюү М.Ананд комүсүби Митакэймитай, сэкивакэ Тамаваши Б.Мөнх-Оргил маэгашигагийн гуравт эрэмбэлэгдсэн Шодайтай, маэгаширагийн тэргүүн бөх Ичиножёо А.Ичинноров их аварга Кисеносатотой тус тус оноолт таарч барилдана.