УИХ-ын нэр бүхий гишүүд УИХ-ын даргыг огцруулах шаардлагыг өргөн бариад байгаа. Нэр бүхий гишүүдийн тавьсан шаардлага хуулийн үндэслэлгүй гэж зарим хүмүүс үзэж байгаа. Энэ талаар УИХ-ын даргын хуулийн зөвлөх Б.Гүнбилэгээс тодруулахад:
-УИХ-ын тухай хуулийн 10 дугаар зүйлд УИХ-ын даргыг огцруулах, чөлөөлөх асуудлыг Төрийн байгуулалтын байнгын хороо хэлэлцэнэ гэж заасан байгаа. УИХ-ын даргыг огцруулах таван үндэслэл байдаг. Хэрвээ гишүүдийн тавьсан шаардлага таван үндэслэлийг хангасан бол Төрийн байгуулалтын байнгын хороогоор хэлэлцэнэ.
-УИХ-ын гишүүд хуулиас гадуур тэмцээд байна гэдэг дээр тайлбар хийхгүй юу?
-Хуулиас гадуур тэмцээд байна. Үүнээсээ гишүүд ичих хэрэгтэй. Гишүүдийн, улстөрчдийн өмнөөс хуульчид ичиж байна. Төрийн эрхийг хууль бусаар авах гээд байна уу гээд тэд санаа зовж байна. “Хуулийн төслийг нь бичээд, та бүхэн ингэж тэмц” гээд сошиалд тавьсан байна лээ.