Өнгөрсөн лхагва гаригт Канадын хойд хэсгийн Нью-Брансуик мужид заналхийлсэн хоёр дуудлага ирсэнтэй холбоотойгоор 20 орчим сургуулийг хаасан байна. Энэ талаар “CBC” телевиз цагдаагийн байгууллагын мэдэгдлээс иш татан мэдээлснийг “РИА Новости” агентлаг уламжлав.
Цагдаагийн байгууллагаас мэдээлснээр, Эдмунстон хотын нэгэн сургуульд орон нутгийн цагаар 05:34, 06:15 цагт тус тус хоёр заналхийлсэн дуудлага иржээ. Өглөөний 07:05 цагт сургуулийн үйл ажиллагааг нэг цагийн хугацаатай хаах шийдвэр гаргасан ч удалгүй сургууль хаалгаа барьсан байна. Эдмунсоны цагдаагийн газар болон Канадын Хатан хааны морьт цагдаагийн газраас хэргийг шалгаж эхэлжээ. Хууль сахиулах байгууллагынхан энэ нь Хэллоуины тоглоом шоглоом байхыг үгүйсгээгүй аж. Цагдаагийнхан “Өнөөдөр хэдийгээр Халлоуин ч гэлээ бид ийм нөхцөл байдалд эрсдэл гаргуулахгүй” гэж мэдэгджээ. “CBC” телевизийн мэдээлснээр, дээрх дуудлагын улмаас 18 сургуулийн нийт 5000 сурагч, 400 багшин хичээл цуцлагдсан байна.