Монгол бөхийн өргөө өнөөг хүртэл хаалттай, Монголын үндэсний бөхийн холбооны маргаан эцэслэн шийдэгдээгүй ч Сумын цолтой болон залуу бөхийн барилдааны тов гарлаа. МҮБХ-ноос сар бүр уламжлал болгон зохион байгуулдаг Сумын цолтой болон залуу бөхийн энэ намрын нээлтийн барилдаан ирэх сарын 3-ны бямба гарагт 10:00 цагаас Аварга биеийн тамирын дээд сургуулийн зааланд болно. Уг барилдаанд оролцох хүсэлтэй бүх залуу бөхчүүдэд нээлттэй. Бүртгэл 09:00 цагаас эхлэх юм байна.