16 давхар барилга дээрээс хоёр эмэгтэй үсэрч амиа хорлох гэж байсныг цагдаагийн алба хаагчид таслан зогсоожээ.
Тодруулбал, 2018 оны наймдугаар сарын 31-ний өдөр Хан-Уул дүүргийн 10 хороонд баригдаж буй “Буман” компанийн барилгын 16 давхар дээрээс Сонгинохайрхан дүүргийн 28 дугаар хороонд оршин суух хаягтай эмэгтэй 31 настай “А”, эмэгтэй 34 настай “Л” нар үсрэх гэж байжээ. Тэд “Барилга дээр 2018 оны гуравдугаар сараас эхлэн ажилласан боловч нэг ч удаа цалин өгсөнгүй” гэх шалтгаанаар амиа хорлох гэж байсныг цагдаагийн алба хаагчид таслан зогсоожээ.
Эх сурвалжийн хэлж буйгаар тухайн барилгын захиалагч нь “Буман” компани бөгөөд тухайн амиа хорлохыг завдсан хоёр эмэгтэй ажилтан нь гүйцэтгэгч компанийн ажилчид аж. Гүйцэтгэгч компани нь захиалагчаас мөнгөө авчихаад ажлаа дуусгаагүй бас ажилчдынхаа цалинг олгоогүй гэнэ.