Гамшгийн эрсдэлийг бууруулах Азийн сайд нарын бага хурлын хүрээнд “Хувийн хэвшлийн оролцоо” сэдэвт хуралдааныг зохион байгуулж байна.
Гамшигт хил хязгаар гэж байхгүй тул гамшгийн улмаас төр, хувийн хэвшлийн салбар гэлтгүй бүгд өртөж, хохирол амсдаг. Дэлхий даяар хийгдсэн нийт хөрөнгө оруулалтын 70 гаруй хувийг хувийн хэвшил эзэлдэг тул бизнесийн тасралтгүй үйл ажиллагааны төлөвлөгөө, эрсдэлийг зөв тодорхойлж, чадсанаар хөрөнгө оруулах үйл ажиллагаагаар дамжуулан гамшгийн эрсдэлийг бууруулах, даван туулах чадавхыг бэхжүүлэх боломжтой юм.
Тиймээс Гамшгийн эрсдэлийг бууруулах Азийн сайд нарын бага хурлын бас нэгэн чухал салбар хуралдаануудын нэг нь “Хувийн хэвшлийн оролцоо” сэдэвт хуралдаан юм. Тус хуралдаанаар төр болон бусад хувийн хэвшлийн түншлэлээр дамжуулан гамшгийн эрсдэлийг бууруулах, даван туулах чадавхыг бэхжүүлэх үйл ажиллагааг нэмэгдүүлэх боломжуудын талаар хэлэлцэж, хурлаас гарсан санал, санаачлагуудаа хурлаас гарах баримт бичгүүдэд тусгуулна гэж Онцгой байдлын ерөнхий газраас мэдээллээ.
