Өмнөд болон Умард Солонгос нэгдсэн толь бичиг гаргах хэрэгтэй гэж Өмнөд Солонгосын Соёл, спорт, аялал жуулчлалын сайд То Чонван мэдэгджээ.
“Бидэнд зарим тал дээр санал зөрөлдөөнтэй зүйлүүд байдаг хэдий ч нэгэн тавцан дээр хамтдаа гарч, нэгдэж чадна гэдгээ бид ойлгосон. Үүний дараа хэлийг стандартчилах зайлшгүй шаардлагатай байгаа нь тодорхой болсон. Бид хоёр улсын аль аль нь ашигладаг нийтлэг хэлийг тодорхойлж, нэгдсэн толь бичигтэй болох хэрэгтэй” гэж тэрбээр хэлсэн байна.