Монгол Улсын гавьяат зүтгэлтэн, олон улсын тоймч, сэтгүүлч Б.Дашзэвэг бага насны охиныг хүчирхийлсэн хэрэгт буруутгагдаж анхан болон давж заалдах шатны шүүхээс есөн жилийн ял авсан билээ. Өөрөөр хэлбэл, шүүхээс түүнд Эрүүгийн хуулийн ерөнхий ангийн 2.8 дугаар зүйлийн 1 дэх хэсэгт заасныг журамлан Эрүүгийн хуулийн тусгай ангийн 12.1 дүгээр зүйлийн 4 дэх хэсэгт зааснаар есөн жилийн хорих ял оноосон байдаг.
ТиЙмээс тэрээр Улсын Дээд шүүхэд гомдол гаргасан юм. Улсын Дээд шүүх түүний гомдлыг яг одоо хэлэлцэж эхэллээ. Түүнд холбогдох хэргийн зүйлчлэл нь хуулийн дагуу хаалттай явагдах учраас сэтгүүлчдийг дотогш нэвтрүүлэх боломжгүй гэв.