Хуурамч фэйсбүүк хаягаас орон сууцны 8 хувийн зээлд хамруулж өгөх нэрийдлээр мессенжерээр холбогдож данснаас нь 2 сая 100 мянган төгрөг залилсан хэрэг өчигдөр гарчээ. Уг хэргийг ЦЕГ-аас шалгаж байна. Цагдаагийн ерөнхий газрын Хэвлэл мэдээллийн төвийн дарга, цагдаагийн дэд хурандаа Б.Баатархүү “Ийм хэрэг бүртгэгдсэн. Одоогийн байдлаар цагдаагийн байгууллага эл хэргийг шалгаж байгаа. Иргэдэд сэрэмжлүүлэхэд энэ төрлийн гэмт хэргээс урьдчилан сэргийлж, тухайн хэрэглэгчийн мэдээллээ сайтар нягтлан шалгахыг зөвлөж байна” гэв.