Архангай аймгийн улс, аймгийн алдар цолтой хүчит бөхчүүд энэ сарын 25-нд “Арын хангайн түрлэг” нэртэй дуун цэнгүүн зохион байгуулахаар болжээ.
Тоглолтонд Дархан аварга Г.Өсөхбаяр, улсын аварга, Ч.Санжаадамба, арслан Д.Мөнх-Эрдэнэ, Р.Пүрэвдагва, гарьд Д.Рагчаа, харцага Г.Батбаяр, М.Бадарч, улсын начин Л.Шинэбаатар, дүү А.З Л.Отгонбаатар, Д.Алтаншагай, В.Мишигдорж, В.Нэргүйбаатар, Ц.Н А.Мөнхболд, С.З А.Ихбаяр зэрэг алдар цолтой бөхчүүд оролцох бол урилгаар А.Ж Д.Самбуу МУГЖ Г.Равдан, Т.Ариунаа, С.Эрдэнэцэцэг, Г.Ариунбаатар, С.Баттулга, Үндэсний урлагийн их театрын уран бүтээлчид, Тайхар нэгдлийн уран бүтээлчид оролцох ажээ.
Тоглолтоос олсон орлогоор барилдаж байгаа бөхчүүдийнхээ бэлтгэл сургуулилтанд дэмжлэг үзүүлэх, Архангай аймгаас төрөн гарсан ширэн зодогны ширээс атгаж байсан ч одоо хүнд хэцүү амьдарч байгаа бөхчүүддээ бодит тусламж үзүүлэх юм байна. Сүүлийн жилүүдэд манай улсад хурдацтай тархаж байгаа Дауны синдром, Аутизмтай хүүхдүүдийн нийгмийн харилцаа, бие бялдарын хөгжил, гоо зүйн мэдрэмжийг дээшлүүлэхэд дэмжлэг үзүүлж нийгмийн хариуцлагыг хэрэгжүүлэхээр зорьж байгаа юм байна.