Монголын Авто Мастеруудын Холбооны “Чингис мастер кросс-2018” уралдаан Дархан хотын уугуул УИХ-ын гишүүн асан Мишигийн Чимэдцэрэнгийн нэрэмжит болон 20 дахь удаагаа амжилттай зохиогдлоо. Дархан хотноо болсон уг уралдаанд Монголын мастер кросс ангиллын 45 эрэгтэй, нэг эмэгтэй тамирчин оролцсон байна.
\Тамирчид урьдчилсан дөрвөн гараанд өрсөлдөж түрүүлсэн тамирчид нь хагас шигшээгийн хоёр гараанд уралдсан. Улмаар хагас шигшээд тэргүүлсэн тамирчид шигшээ уралдаанд хурд самбаагаа сорьж “Чингис мастер кросс-2018” уралдааны аваргаар Спортын мастер Л.Ариунболд тодорчээ. Дэд байрт Олон Улсын Хэмжээний Мастер Д.Болдбаатар, гуравдугаар байрт Спортын мастер Х.Улам-Өрнөх орсон.
