NBA-гийн 2017-2018 оны улирал шувтарч байна. Улирлын эхнээс шилдэг тамирчдын гэмтэл улирлын хар бараан тал байлаа. Үүний хажуугаар гэгээлэг тал ч мөн байв. NBA-гийн өнгийг тодорхойлж чадахуйц олон шилдэг шинэ залуус энэ улирлын онцлог нь байж чадлаа.
Харин энэ олон залуусаас хэн нь шилдэг шинэ тоглогчийн эрхэм алдрыг хүртэх вэ гэдэг асуулт мэргэжлийн аналистуудын толгойг өвтгөөд багагүй хугацаа өнгөрлөө.
Өнгөрсөн жил бэртлийн улмаас улирлыг өнжсөн 213 см өндөр жижиг довтлогч Бэн Симмонс энэ жилийн шинэ тоглогч нарыг өнгөлж байна. Гэвч түүнээс дутуугүй хүчтэй өрсөлдөж буй тоглогчид бий. Энэ жилийн нэгдүгээр тойргийн 13 дахь сонголтоор Юта Жазз багт орсон хамгаалагч Донавон Мичель энэ жагсаалтын тэргүүн эгнээнд бий. Нуруу намтай ч (191 cm) хурц дайчин, супэр од тоглогчдоос дутхааргүй тоглолт толилуулдаг түүнийг олон мянган сонирхогчид уухайн түрлэгээр дэмжиж байна.
Энэ хоёр тоглогчийн хэн нь шилдэг шинэ тоглогч болох ёстой вэ? гэдэг дээр дэлхий даяар л маргаж байх шиг.
Бэн Симмонс, Донован Митчлэлл нар хоёулаа 2015 онд их сургуульд элсэн орсон бөгөөд Симмонс нэг улирал их сургуульд тоглоод НБЭ-ийн драфтад орохоор шийдсэн. Харин Донован Митчелл дахин нэг улирал их сургуулийнхаа багт тоглосон юм.
Мөн энэ жилийн рүүкий тамирчид дунд онцлох хэд хэдэн тамирчид бий. Кайл Кузма, Жэйсон Тэйтум, Лонзо Бол, Дэннис Смит Жр, Ди Аарон Фокс, Лаури Марканнан нар өсч дэвжин ирээдүйн супер од болох бүрэн нөөц бололцоотой харагдаж байгаа.
Б.АМАРТҮВШИН