Өнөөдөр Олон улсын нотариатын холбооны нийт 87 гишүүн улс орнуудын баярын өдөр тохиож байна.
Олон улсын нотариатын холбоо (ОУНХ) нь дэлхийн нотариатын байгууллагуудын үйл ажиллагаа, чиг үүргийн хөгжил, хамтын ажиллагааг дэмжих зорилго бүхий төрийн бус байгууллага юм. Жил бүрийн 10 дугаар сарын 02-ны өдөр Олон улсын Нотариатын Холбооны гишүүд дэлхийн “Нотариатчийн өдөр”-ийг тэмдэглэдэг. Дэлхийн нийт хүн амын 2/3 нь амьдрах 120 гаруй улс оронд Нотариатын байгууллага байдаг бөгөөд энэ өдөр бол 1948 онд Аргентин улсын Буэнос Аэрис хотод анхлан Латин хэлбэрийн нотариатчдын олон улсын чуулган зохион байгуулагдаж, ОУНХ-г үүсгэн байгуулсан өдөр бөгөөд энэхүү тэмдэглэлт өдрөөр Латин хэлбэрийн нотариатын тогтолцооны байгуулал, суурийг тавьсан баярт өдөр билээ. Анх 1948 онд 19 улс орны санаачилгаар үүсгэн байгуулагдагдаж байсан холбоо нь эдүгээ 87 улс орны гишүүнчлэл бүхий, Европын Холбооны 28 гишүүн орны 22 улсыг, G20 бүлгийн 19 улсыг тус тус өөртөө багтаасан, өөрөөр хэлбэл, дэлхийн нийт хүн амын 2/3 хэсэг, дэлхийн нийт ДНБ-ий 60 гаруй хувийг хамарсан эх газрын эрх зүйн тогтолцоог илтгэгч байгууллага болсон байна. Харин Монгол Улсын Нотариатчдын Танхим 2013 онд тус Холбооны 83 дахь гишүүн орноор элсэж, Азийн Хэрэг Эрхлэх Комиссийн идэвхтэй гишүүнд тооцогдож байна