Хоёр жил нэг удаа зохион байгуулагддаг боксын насанд хүрэгчдийн ДАШТ Германы Хамбург хотноо эхэллээ.
Тив, тивийн аваргаас дэлхийн аваргад өрсөлдөх эрхээ авдаг тул энэ удаад 280 шилдэг боксчин Хамбург хотноо өрсөлөжж байна.
Монголын баг тамирчдын салхийг хагалан эрэгтэйчүүдийн 69кг-д ОУХМ Бямбаагийн Түвшинбат эхний тулаанаа хийлээ. Тэрбээр Польшийн боксчин Кивиор Дамиантай тулалдаж илт давуугаар буюу 5:0 яллаа.
Наймд үлдэх тулаанаа наймдугаар сарын 28-ны үдээс хойш ДАШТ-ий хүрэл медальт Азербайжаны Багиров Парвизтэй хүч үзнэ.