Арав дахь удаагийн “World games” наадам Польш улсын Вроцлав хотноо долдугаар сарын 20-30-ны өдрүүдэд амжилттай болж өндөрлөлөө. Тус наадамд нийт 102 орны 3260 тамирчин оролцсон бөгөөд манай улсаас сүмо, жюүжицү, аэробикийн төрлөөр 16 тамирчин эрхээ аван оролцжээ. Манай баг тамирчид сүмо бөхийн төрөлд алт, хүрэл медаль, жюүжицүгийн төрөлд мөнгөн медаль хүртсэн бол аэробикийн төрөлд зургадугаар байрт орсон байна.
“World games” наадмыг ОХУ-ын баг тамирчид 28 алт, 21 мөнгө, 14 хүрэл медаль нийт 63 медаль хүртсэн амжилтаар тэргүүлсэн бол Герман, Итали, Франц, Укрианы баг тамирчин II-V байрт орсон байна. Манай баг тамирчид АНЭУ-ын хамт 32-р байрт жагссан. Нийт 63 орон ямар нэгэн медаль хүртсэн байна.
