Үндэсний их баяр наадмын үндэсний сурын харваа өчигдөр хоёр дахь өдрөө сурын талбайд үргэлжилсэн. Энэ жил үндэсний сурын харваанд нийт 540 харваач оролцож байгаагаас 240 нь цол зэрэггүй, шинэ залуу харваачид юм. Нийт 40 сум тавьж цэц мэргэнээ сорьдог. Сурын харваанд шинэ хүмүүс хүч сорьж нийт 40 сум тавихаас 38-ыг нь онож байгаа талаар Сурын харвааны холбооны Ерөнхий нарийн бичгийн дарга Б.Хүрэлбаатар онцолж байлаа. Өчигдрийн тухайд үндэсний сурвын харваанд 20 сумыг тавьж, урьдчилсан дүн гаргажээ.
Хамгийн өндөр оноотой шилдэг найман харваачийг өнөөдөр тодруулна. Үндэсний сурын харвааны түрүү тодруулах шилдэг найман харваачийн шигшээ харваа маргааш 13.00-14.00 цагийн хооронд Сурын талбайд болох юм.
Н.ГАН